Babbar Magana:Abinda yake wagana yanzu haka a Kutu akan shari'ar Buhari da Atiku - HAUSA MEDIA

People Online

Breaking

ads

Wednesday, 11 September 2019

Babbar Magana:Abinda yake wagana yanzu haka a Kutu akan shari'ar Buhari da Atiku

 
     Yanzu haka ana can a Kotun Daukaka Karar Zaben Shugaban Kasa, inda Shugaban Kotu, Mohammed Garba ke karanta hukuncin sakamakon da kotu za ta zartar, dangane da karar da PDP da Atiku Abubakar suka shigar, inda suka ki amincewa da sakamakon zaben 2019. 
    Kotun ta cika makil da dimbin masu mulki, wadanda suka ci zabe a karkashin APC. Daga cikin su akwai Shugaban Ma’aikatan Fadar Shugaban Kasa, Abba Kyari, Ministan Shari’a, Abubakar Malami, Ministan Ayyuka, Raji Fashola, Ministan Kwadogo Chris Ngige, Karamin Ministan Yankin Neja Delta, Festus Keyamo da sauran su. Adams Oshimhole ne ya wakilci APC, yayin da Lauya Waleed Ahmed Sarki ya wakilci Shugaba Muhammadu Buhari.  
  Agbamuchi Mba ke wakiltar INEC, tare da lauya Yusuf Usman. Shi kuma Levi Uzuegwu, babban lauyan da ke wakiltar PDP. A cikin kotun har da Nuhu Ribadu, tsohon dan takarar gwamna da na shugaban kasa, kuma tsohon shugaban hukumar EFCC. Shi ma shugaban jam’iyyar PDP, Uche Secondus da shugaban AIT, Remomd Dokpesi duk su na cikin kotun. Lauya Yusuf Abubakar ke wakiltar Atiku Abukar, yayin da Buhari da Atiku duk ba su cikin kotun.
   A yayin da ake yanke wannan hukunci dai Atiku ya na Dubai. Baya ga daruruwan gungun lauyoyin bangarorin biyu na kuma wadanda suka je saurare don kashin kan su. Akwai gwamnoni da dama da suka cika kotun, ciki har da Atiku Baguru na Jihar Kebbi da Simon Lalong na Jihar Filato. 
    Shugaban kotu, Mohammed Garba na nan na ci gaba da karanta hukunci, tare da karanto surori, ayoyi da sauran makalun hukunce-hukuncen kotu. Ba a ganin komai a cikin kotun sai yawan lauyoyi sanye da babaken alkyabba da hular lauya, mai kama da kunkuru. Ba a san maci tuwo ba. 
  Amma duk wanda aka kayar a yau, zai iya daukaka kara zuwa Kotun Koli. Atiku da PDP sun shigar da kara kwanaki 177 da suka gabata, a ranar 18 Ga Maris. 
    Dama kuma doka ta ce a tabbatar an yanke hukunci cikin kwanaki 180 bayan shigar da kara.

Domin kasancewa damu a kafar sadarwar Facebook shiga Link dake nan kasa kayi Llike
 
  https://mobile.facebook.com/Hausa-Media-429689417868539/?

No comments:

Post a Comment

ads1